Un home saíra dunha tenda e viña camiñando á beira da estrada nacional cunha grande caixa de galletas de chocolate nunha bolsa. Era o meu avó. E esta é unha das máis antigas imaxes que recordo del. Cando os netos chegabamos á casa da Corna, en Piñor de Cea, era fácil ver o sorriso nos beizos de Juan e Rosa, os meus avós paternos. A chegada dos cinco netos no verán era sempre unha alegría, unha revolución, unha maneira de romper a rutina.
Gardo moitas lembranzas do meu avó, das cousas que el contaba, de como cando ía bo sacaba fóra o transistor e sentaba tranquilamente nunha cadeira a ver pasar o tempo, de como lle gustaba falar cos veciños que volvían do traballo, de como lle encantaba ir á feira da Gouxa tomar o polbo todos os 11 e 23 de cada mes...
As tardes na aldea convertíanse entón en paraísos de tranquilidade. Ao meu avó tamén lle gustaba moito coller un anaco de papel e escribir os nomes dos seus netos cunha letra fermosísima, case imposible.
Xa no solpor das longas tardes estivais víamos o meu avó voltar cunha botella de leite recén muxido. Viña camiñando desde o seu pobo, Os Asneiros, onde vivían as súas irmás Dolores, Aurelia e Adelaida. Mesmo os cans adoraban ao meu avó e ían saludalo cando pasaba. A miña avoa collía o leite e fervíao e dalí facía os máis ricos doces que nós só coñeciamos que puidera habelos nas tendas da capital, como adoitaban dicir alí.
O meu avó Juan Paz Rodríguez morreu en 2001 aos 91 anos de idade pero o seu recordo seguirá a estar vivo eternamente.
Gardo moitas lembranzas do meu avó, das cousas que el contaba, de como cando ía bo sacaba fóra o transistor e sentaba tranquilamente nunha cadeira a ver pasar o tempo, de como lle gustaba falar cos veciños que volvían do traballo, de como lle encantaba ir á feira da Gouxa tomar o polbo todos os 11 e 23 de cada mes...
As tardes na aldea convertíanse entón en paraísos de tranquilidade. Ao meu avó tamén lle gustaba moito coller un anaco de papel e escribir os nomes dos seus netos cunha letra fermosísima, case imposible.
Xa no solpor das longas tardes estivais víamos o meu avó voltar cunha botella de leite recén muxido. Viña camiñando desde o seu pobo, Os Asneiros, onde vivían as súas irmás Dolores, Aurelia e Adelaida. Mesmo os cans adoraban ao meu avó e ían saludalo cando pasaba. A miña avoa collía o leite e fervíao e dalí facía os máis ricos doces que nós só coñeciamos que puidera habelos nas tendas da capital, como adoitaban dicir alí.
O meu avó Juan Paz Rodríguez morreu en 2001 aos 91 anos de idade pero o seu recordo seguirá a estar vivo eternamente.
2 comentarios:
Um bo home.
No próximo ano de 2010 vam ter lugar as comemoraçoes de interessantes centenários. Permita-se-me destacar em primeiro lugar o de meu pai Juan. Que me deu a vida, me deu muito carinho, me formou sempre nos princípios éticos e, especialmente, me ensinou que o verdadeiro senso da vida é ser solidário e ajudar em todo momento aos demais. O que ele sempre fez, sem pedir nada a cámbio. Deu-me tambem um apelido que levo com orgulho e que trato de praticar no dia a dia e em todo lugar. Para que nom seja meramente teórico. Meu pai, filho dos meus avós José Mª e Manuela, veu à luz o 15 de março de 1910 na aldeia dos Arneiros do concelho de Pinhor. Assistindo à escola nouturna, chegou a conseguir um alto nível de leitura, escrita e cálculo. Polo que, durante mais de trinta anos, foi o notário rural das comarcas de Pinhor e Dozom. Tenho algumas cópias de documentos escritos do seu punho e letra. Gostaria de ter muitas mais cópias. Porque ademais era um excelente agrimensor. Com a sua fita métrica sabia medir perfeitamente os eidos e as quintas. Em hectáreas, áreas, centiáreas, quartilhos, ferrados e metros quadrados. E logo redactava o pertinente documento, com os respeitivos lindes. Mesmo sabia fazer partilhas, igual que um verdadeiro perito agrícola. Tinha ademais uma memória portentosa, que mantivo viva até o último segundo da sua vida. Lembrava todos os apelidos das pessoas da zona, os nomes dos chefes do exército e do seu regimento, no seu serviço militar e durante a guerra, os nomes dos povos nos que esteve e muitos outros temas. Uma enfermidade nom descoberta a tempo, provocou o seu falecimento a primeiros de outubro de 2001, com 91 anos. Espero que o meu filho David, ao que muito apreciava, ao igual que os seus outros quatro netos, me ajude a redactar uma monografia dedicada a meu pai e seu avó. Que recolha a sua biografia, algúns dos seus escritos e documentos e numerosas fotos. Polos seus grandes valores humanos e sociais, bem o merece.
Publicar un comentario